Gwelliannau i Stryd y Castell
Y gwelliannau sy’n cael eu gwneud
Byddwn yn uwchraddio’r feicffordd dros dro i greu beicffordd ar wahân barhaol ar hyd Stryd y Castell ac yn gwella:
- safleoedd bws ar hyd Ffordd y Brenin a Heol y Gogledd,
- palmentydd,
- draenio,
- goleuadau stryd,
- arwyddion, ac
- arwyneb y ffordd.
Bydd y feicffordd newydd yn aros ar ochr ogleddol Stryd y Castell. Bydd angen i ni wneud newidiadau i gyffyrdd allweddol a newidiadau bach i’r mannau llwytho.
Ni fydd unrhyw newidiadau mawr i drefn y lonydd.
Rydym wedi gwneud gwaith helaeth i fodelu’r traffig er mwyn sicrhau bod Stryd y Castell yn bodloni gofynion ansawdd aer a chanllawiau teithio llesol.
Rydym wedi ymgynghori o’r blaen ar y newidiadau i Stryd y Castell ac wedi penodi contractwr i wneud y gwaith gwella.
Cyffordd Heol y Porth
- Dechrau beicffordd wedi’i gwahanu’n llawn i gysylltu â’r un dros dro presennol
- Newid i drefn y lonydd i ddarparu lôn gyfunol ar gyfer troi i’r dde a mynd syth ymlaen o Stryd y Castell i Heol y Porth
- Diwygiadau i’r groesfan i gerddwyr
- Gosod palmant newydd
- Gwella lleoliad a maint y blwch melyn
- Lôn feicio newydd o Heol y Porth drwy’r gyffordd gyda goleuadau traffig i feicwyr
Cyffyrdd Stryd Womanby ac Arcêd y Castell
- Newidiadau i’r lôn gerbydau a’r droedffordd yn Stryd Womanby ac Arcêd y Castell
- Beicffordd wedi’i gwahanu’n llawn yn parhau
- Cyfleusterau parcio beiciau
- Ymestyn y lôn fysus bresennol hyd at ddiwedd y gilfan fysus
- Lloches bws to gwyrdd arfaethedig
- Adnewyddu’r palmant
Cyffordd y Stryd Fawr
- Gwelliannau i’r palmentydd
- Tacluso’r celfi stryd wrth fynedfa Castell Caerdydd
- Trefn bolardiau newydd (i’w gadarnhau)
- Beicffordd wedi’i gwahanu’n llawn yn parhau
- Lôn fysus bresennol i aros
- Mân ddiwygiadau i’r man llwytho
- Gwelliannau i’r palmant a thacluso celfi stryd wrth gyffordd y Stryd Fawr
- Cyfuno’r man llwytho a’r safle tacsi i greu un man mwy o faint
- Lôn fysus bresennol i aros
Cyffordd Heol y Frenhines
- Aildrefnu’r groesfan i gerddwyr i gyd-fynd â’r llwybr a ffefrir i Heol y Frenhines
- Beicffordd wedi’i gwahanu’n llawn yn parhau
- Tirlunio â blodau gwyllt
- Cyfuno’r man llwytho a’r safle tacsi i greu un man mwy o faint
- Lôn fysus bresennol i aros
- Lloches bws to gwyrdd arfaethedig
Cyffordd Ffordd y Brenin
- Newidiadau i safleoedd bws
- Lloches bws to gwyrdd
- Ynys fysus
- Croesfan sebra ar y feicffordd i’r ynys fysus
- Croesfan a reolir i’r ynys fysus
- Tirlunio â blodau gwyllt
- Cyflwyno lôn troi i’r dde ar gyfer bysus yn unig o Ffordd y Brenin i Stryd y Castell/Heol y Gogledd (yr A4161)
- Tynnu 2 goeden a phlannu coed newydd gerllaw
Newidiadau ger Castell Caerdydd
Pryd fydd y gwaith yn digwydd?
Dechreuodd y gwaith ym mis Chwefror 2026 a disgwylir iddo gymryd tua 12 mis.
Rheoli traffig a mynediad
Mae Knights Brown wedi cael y contract i gyflawni’r gwaith hwn ar ran Cyngor Caerdydd.
Byddant yn gyfrifol am y canlynol:
- Cynnal mynediad i bob busnes a phreswylfa.
- Cynllunio a gweithredu’r mesurau rheoli traffig sydd eu hangen i wneud y gwaith.
Bydd traffig dwyffordd ar Stryd y Castell yn cael ei gynnal pan fo hynny’n bosibl. Efallai y bydd goleuadau traffig dros dro yn cael eu gosod i ganiatáu i rannau o’r cynllun gael eu hadeiladu’n ddiogel. Bydd unrhyw fesurau cau yn cael eu cyfathrebu ymhell ymlaen llaw.
Cynhelir mynediad i siopau ac adeiladau drwy gydol y gwaith.
Byddwn yn gweithio gyda busnesau i sicrhau nad oes effaith ar ddanfoniadau.
Bydd Knights Brown yn rhoi diweddariadau trwy:
• Llythyrau a anfonir cyn ac yn ystod camau allweddol y prosiect
• Diweddariadau ar eu gwefan: www.kbinfowales.co.uk
• Swyddogion Cyswllt Penodedig: Tracy Beall a Kate Baynham a fydd ar gael drwy gydol y prosiect
E-bost: Talktous@knightsbrown.co.uk, tracy.beall@knightsbrown.co.uk, kate.baynham@knightsbrown.co.uk