Cledrau Croesi Caerdydd
Rydym yn gweithio gyda Thrafnidiaeth Cymru i ddarparu tramffordd newydd o Gaerdydd Canolog i Fae Caerdydd, yn rhan o gam cyntaf Cledrau Croesi Caerdydd. Bydd hyn yn gwella cysylltedd rhwng canol y ddinas a’r Bae, ac o fudd i’r ddinas a’r rhanbarth ehangach.
Mae GRAHAM wedi’i nodi fel y prif gontractwr ar gyfer y gwaith adeiladu hwn.
Bydd gwaith clirio a galluogi safle yn cychwyn ym mis Mehefin 2026, a bydd adeiladu prif gam y gwaith yn cychwyn ym mis Gorffennaf 2026.
Caiff cam cyntaf y cynllun ei adeiladu rhwng gorsaf drenau Caerdydd Canolog a Bae Caerdydd. Bydd hyn yn sicrhau bod gan Butetown gysylltiad da â chanol y ddinas trwy’r dramffordd newydd, gan gynnig gwell mynediad i drigolion ac ymwelwyr yn y ddinas.
Bydd y cam hwn o’r cynllun yn darparu:
- Gorsaf 2 blatfform newydd wedi’i leoli ym maes parcio deheuol gorsaf drenau Caerdydd Canolog.
- Tramffordd newydd o’r maes parcio deheuol yng ngorsaf Caerdydd Canolog, yn croesi trwy Sgwâr Callaghan i ymuno â lein bresennol Bae Caerdydd.
- Trydydd platfform ychwanegol yng ngorsaf reilffordd Bae Caerdydd (yn ogystal â’r ail blatfform).
- Gwelliannau i dir cyhoeddus ar hyd y llwybr i gysylltu cymunedau, lleoedd ac atyniadau cyfagos.
Yn y dyfodol, bydd Cledrau Croesi Caerdydd yn rhedeg o ogledd-orllewin y ddinas yr holl ffordd i’r dwyrain o’r ddinas gan gysylltu â’r orsaf Parcffordd arfaethedig.
